​- Hiperosixenar antes e despois, se procede. Empregar a sonda do calibre axeitado, xa que os calibres grandes poden causar traumas e os calibres pequenos pode que non sexan efectivos. Na aspiración pola cánula de traqueotomía, a sonda ha de ter un diámetro non superior á metade do diámetro interno da cánula traqueal.

 

− Realizar en primeiro lugar a aspiración nasofarínxea, xa que se considera máis limpa que a orofarínxea.

 

− Cambiar a sonda cada vez que se acceda á árbore traqueal.

 

− Indicarlle ao paciente que inspire e introducir a sonda coincidindo co final da inspiración.

 

− Se é preciso fluidificar as secrecións nasais, instilar soro salino antes da aspiración.

 

− Evitar a instilación rutineira de soro salino antes da aspiración de secrecións bronquiais, pois existe a posibilidade de provocar unha maior hipoxemia e de aumentar o risco de pneumonía por mor da introdución de bacterias que poidan estar aloxadas no interior do tubo.

 

− Evitar a aspiración en caso de epistaxe ou de fístula de líquido cefalorraquídeo.

 

− Evitar a aspiración tras as comidas.

 

− Evitar, sempre que sexa posible, a posición de decúbito supino a 0º (Nivel de evidencia moderado. Recomendación forte).

− Aspirar a vía respiratoria só cando sexa necesario e non por rutina. A aspiración repetida pode danar a mucosa e producir ulceración e hemorraxias.

 

− Avaliar se o paciente precisa unha segunda aspiración. O procedemento de aspiración non durará máis de 10 segundos e é necesario esperar 20-30 segundos entre aspiración e aspiración.

 

− Entre as complicacións, convén salientar as seguintes: lesións na mucosa, hipoxemia, inestabilidade cardiovascular, bradicardia, arritmias, laringoespasmos, brocoespasmos, malestar, infeccións nosocomiais, microatelectasias ou aumento da presión intracraneal.

 

− As presións negativas de aspirado non deben superar os 150 mm Hg polo risco de que poden causar traumas, hipoxemias ou atlectasias.

 

− Contraindicacións para o procedemento (condicións do paciente e baixo criterio médico):trastornos hemorráxicos (coagulación intravascular diseminada, trombocitopenia, leucemia), edema ou espasmos larínxeos, varices esofáxicas, cirurxía traqueal, cirurxía gástrica con anastomose alta, infarto de miocardio.

Retirar a camisa fenestrada ou o tapón e colocar a camisa sen fenestra.

Vixiar a presión de inflado do pneumotaponamento (manómetro: 20-25 mm Hg8 (Nivel de recomendación 1C) previo e posterior á aspiración.